Riṋe vhathu vha Afurika Tshipembe,
Ri dzhiela nṱha zwa u kandeledzwa hashu ha tshifhinga tsho fhiraho,
Ri hulisa avho vhe vha tambudzelwa u sa kandeledzwa na mbofholowo kha shango ḽashu; na uri
Ri tenda uri Afurika Tshipembe ndi ḽa vhoṱhe vhane vha dzula khaḽo, vho vhofhanaho nga u fhambana havho.
Zwino-ha nga vhaimeleli vhashu vho khethiwaho nga nḓila yo vhofholowaho, ri dzhia uyu Mulayotewa sa wone mulayo muhulwanesa kha Riphabuliki hu u itela u
Fhodza phambano dza tshifhinga tsho fhiraho na u thoma tshitshavha tsho ḓiteaho nga maitele a
Demokirasi, matshilisano a vhathu o teaho na pfanelo dza vhathu dzone-dzone;
Fhaṱa mutheo wa vhathu wa Demokirasi, vhulamukanyi ha vhathu wa Demokirasi nahone wo vhofholowaho hune muvhuso wa vha wo ḓitika nga lutamo lwa vhathu nahone mudzulapo munwe na munwe o tsireledzwa nga nḓila ya ndingano.
Khwinisa matshilele a vhadzulapo vhoṱhe na uri vhukoni ha muthu munwe na munwe vhu bviselwe khagala.
Fhaṱa Afurika Tshipembe ḽo faranaho ḽa Demokirasi ḽi konaho u dzhia vhuimo haḽo ho teaho sa shango ḽi ḓivhusaho kha muṱa wa dzitshaka.
Ngavhe Mudzimu a tshi tsireledza vhathu vhashu.
Nkosi Sikelel' iAfrika. Morena boloka setjhaba sa heso.
God seën Suid Afrika. God bless South Africa.
Mudzimu fhaṱutshedza Afurika. Hosi katekisa Afrika.